សមត្ថកិច្ចចាប់ខ្លួនយុវជនម្នាក់ ពាក់ព័ន្ធករណីលួចទ្រព្យសម្បត្តិនៅកន្លែងតូបលក់ចាប់ហួយ
02-July-2016 | ដោយ មែន កំសត់
ខេត្តកណ្តាល ៖ សេចក្តីរាយការណ៍បឋមឱ្យដឹងថា ជនសង្ស័យម្នាក់ត្រូវប្រជាពលរដ្ឋរួមនិងសមត្ថកិច្ចចាប់ខ្លួន ពាក់ព័ន្ធករណីលួចទ្រព្យសម្បត្តិនៅកន្លែងតូបលក់ចាប់ហួយ កាលពីវេលាម៉ោង០៧ និង៣០នាទីយប់ថ្ងៃទី០១ កក្កដា ២០១៦ ស្ថិតក្នុងភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល ។
ប្រភពឱ្យដឹងថា ម្ចាស់ត្រូវស្គាល់ឈ្មោះជុំ ច័ន្ទតារា ភេទប្រុស អាយុ៣០ឆ្នាំ ជាគ្រូបង្រៀនផង មានទីលំនៅក្នុងភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាលមុខរបរ ។ ចំណែកជនសង្ស័យឈ្មោះផាន់ ចន្នី អាយុ២៣ឆ្នាំ ជាកម្មកររោងចក្រ មានទីលំនៅភូមិលេខ២ ឃុំស្វាយរលំ ស្រុកស្អាង ខេត្តកណ្តាល ។
សមត្ថកិច្ចដកហូតបានមកវិញ មានប្រាក់៤០,០០០០រៀល, ទូរស័ព្ទដៃ១គ្រឿង ម៉ាកIphone6, កាតទូរស័ព្ទ១០០ដុល្លារ ។ ម៉ូតូ១គ្រឿងម៉ាកHONDA១២៥ពណ៌ខ្មៅ ពាក់ស្លាកលេខភ្នំពេញ1FQ-9224 និងទូរស័ព្ទដៃ១គ្រឿងជារបស់ជនសង្ស័យ ។
ប្រភពបន្តថា មុនពេលកើតហេតុ ខណៈជនរងគ្រោះនិងក្រុមគ្រួសារ កំពុងតែហូបបាយនៅក្រោយតូបចាប់ហួយ ពេលនោះក៏មានជនសង្ស័យជិះម៉ូតូមកឈប់ខាងមុខតូប ហើយចុះដើរចូលទៅក្នុងតូបរើកកាយលួចយកលុយ កាតទូរស័ព្ទ និងទូរស័ព្ទរបស់ជនរងគ្រោះ ដែលទុកក្នុងថតតុ ។ បន្ទាប់មក ក៏ដើរចេញទៅឡើងម៉ូតូ បម្រុងជិះចេញត្រូវជនរងគ្រោះដឹងទាន់ស្រែកថា ចោរៗ ហើយអ្នកជិតខាងជួយដេញចាប់បាន រួមទាំងវត្ថុតាងតែម្តង ។
ចំនួនអ្នកទស្សនា
- ថ្ងៃនេះ10531
- ម្សិលមិញ14181
- សប្តាហ៍នេះ10531
- ខែនេះ125681
- ឆ្នាំនេះ125681
- សរុប20568137